dear all,
夏天｜朱嘉文話夏天無通知過佢就黎（嚟）左喎，朱嘉文最憎就係夏天，因為佢係超級無敵大汗，恩都係，好想為佢地兩個舉辦一個鬥多汗比賽，睇下鹿死誰手。其實我都幾鐘意夏天，開住風扇涼浸浸，冬天留係屋企好凍，生產力會變得好低，夏天幾好啊（唔出街的話）
英國德國波蘭｜心情豁然開朗啊，因為機票、巴士、火車，旅程中需要搭既交通工具已經訂哂啦。住宿同景點留返呢幾日決定，決定之後咁就只差歷史呢一項大功課。慢慢更明白讀萬卷書不如行萬里路嘅道理，可以一邊睇到、摸到、感受到、見識到比起只讀書一定深刻好多，引發嘅反思都會多好多。（當然讀書都好啦）
年輕多好｜年輕好啊，因為我地仲係一張白紙。可能係呢行見到好多人，你唔會諗到一個四十歲既啊姐裝住咩故事，如果佢結左婚，可能佢已經再過婚；如果佢有小朋友，可能已經離婚，小朋友跟左佢嘅有錢老公生活；如果佢依然單身，可能佢結過婚？可能係愛情浮浮沈沈？又可能佢同另一半決定唔結婚？或者可能佢只不過係單身。世界上童話故事好少，每個人都荆棘满途，披星戴月咁走過嚟。所以大個咗，我地變得寡言，變得客套，變得小心翼翼，因為我地怕唔小心一踩會踩中對方嘅地雷。有時有人話唔想做大人，想變返小朋友，其實習慣左，做大人都幾好啊。
稀客｜從前好熟悉既人變左今日既稀客，同朱嘉文講起，佢幾乎唔記得左佢係邊個。講笑啦，點會唔會記得呢。唔知佢所關心嘅事係為邊個而問呢？邊個都好啦，多謝大家關心。離開comfort zone好似係我畢業之後無停過既動作，一個又一個決定都係充滿挑戰性，貪玩既含量少啲，比較似係我想帶自己去到一個新高度，可能會失敗架（例如去台灣換宿），但話唔定會成功呢？有人問我：「係咪發現左大學張沙紙好鬼重要呢？」大學沙紙本質係浮雲啦（呢句只針對個d覺得沙紙好重要既人，唔關知識blablabla事）不過，沙紙之外嘅大學仲有好多值得學習嘅野，係你係大學帶走左什麼，所以。
City of stars
There’s so much that I can’t see
polly.
莉倫敦 你紐約 